Հայտարարություններ


Հայտարարություն Գևորգ Սաֆարյանի դատավճռի վերաբերյալ

January 24, 2017

Հունվարի 20, 2017թ., Երևան
Հայտարարություն
Շուրջ մեկ տարի տևած դատավարությունից հետո՝ 2017թ. հունվարի 16-ին, «Նոր Հայաստան» քաղաքական միավորման անդամ Գևորգ Սաֆարյանը դատապարտվեց երկու տարվա ազատազրկման: Նա և այլ ակտիվիստներ 2015թ. դեկտեմբերի 31-ի գիշերը փորձել էին Երևանի Ազատության հրապարակում տոնածառ տեղադրել, ինչին ոստիկանները կոպտորեն խոչընդոտել էին և չորս հոգու բերման ենթարկել 2016թ. հունվարի 1-ի գիշերը: Նրանց մեջ էր նաև Գևորգ Սաֆարյանը, սակայն ի տարբերություն մյուս երեք քաղաքացիների, Գևորգ Սաֆարյանին ձերբակալել էին, նրան մեղադրանք էր առաջադրվել ՀՀ քրեական օրենսգրքի 316-րդ հոդվածի 1-ին մասով՝ ոստիկանության ներկայացուցչի նկատմամբ բռնություն գործադրելը:

Գևորգ Սաֆարյանի գործով դատարանի վճիռը հերթական անգամ ընդգծեց Հայաստանի Հանրապետությունում դատաիրավական համակարգի քաղաքականացված լինելու և խղճի բանտարկյալներ ունենալու փաստը: Հաշվի առնելով այն, որ Գևորգ Սաֆարյանը աչքի էր ընկնում անարդարության դեմ իր պայքարով, մշտապես ակտիվ մասնակցություն էր ունենում տարբեր հավաքների և իշխանությունների հասցեին հնչեցնում էր սուր քննադատություններ, կանխատեսելի էր դատավճռի բովանդակային մասը, որը հրապարակվեց դատավոր Մնացական Մարտիրոսյանի կողմից, ով հայտնի է հանրության շրջանում որպես քաղաքական և քաղաքացիական հայացքներ ունեցող անձանց նկատմամբ առավել խիստ պատիժներ նշանակելով:

Տարվա սկզբում կայացված դատավճիռը վկայում է, որ առաջիկա ընտրություններից առաջ իշխանություններն այս կերպ իրենց դիրքորոշումն են ներկայացնում քաղաքացիական ակտիվիստների կողմից երկրում իրական ժողովրդավարության հաստատման փորձերի դեմ:
Մենք՝ ներքոստորագրյալ հասարակական կազմակերպությունները և անհատները, Գևորգ Սաֆարյանի նկատմամբ դատավճիռը գնահատում ենք հաշվեհարդար նրա՝ իշխանության հասցեին արված սուր քննադատության համար, Գևորգ Սաֆարյանին համարում ենք խղճի բանտարկյալ և պահանջում նրան անհապաղ ազատ արձակել:

Հայաստանի հելսինկյան կոմիտե իրավապաշտպան ՀԿ
Հելսինկյան քաղաքացիական ասամբլեայի Վանաձորի գրասենյակ
Բաց հասարակության հիմնադրամներ-Հայաստան
Ժուռնալիստների «Ասպարեզ» ակումբ
Իրազեկ քաղաքացիների միավորում
Գլոբալիզացիայի և տարածաշրջանային համագործակցության վերլուծական կենտրոն
Խոսքի ազատության պաշտպանության կոմիտե
Համագործակցություն հանուն ժողովրդավարության կենտրոն
«ԷկոԼուր» տեղեկատվական ՀԿ
«Սոսե» Կանանց hիմնահարցեր ՀԿ
«Խաղաղության երկխոսություն» ՀԿ
Արտաշատի քաղաքացիական-երիտասարդական կենտրոն
Կանանց աջակցման կենտրոն ՀԿ
«Հանուն հավասար իրավունքների» ՀԿ
«Հոդված 3» ակումբ
«Մարդու իավունքների պաշտպանության Երևանյան կենտրոն» ՀԿ
«Մեր Իրավունքների Սահմանները» իրավապաշտպան ՀԿ
Ընդդեմ իրավական կամայականության ՀԿ
Կանանց իրավունքների կենտրոն ՀԿ
Թրանսփարենսի Ինթերնեշնլ հակակոռուպցիոն կենտրոն
«Էկոլոգիական իրավունք» ՀԿ
Լոգոս Իրավապաշտպան ՀԿ
«Սպիտակի Հելսինկյան խումբ» իրավապաշտպան ՀԿ
Նոր Սերունդ Մարդասիրական ՀԿ
Անի Աղագյուլյան, Էկոնոմիկայի Բարձրագույն Դպրոց, մագիստրանտ
Կարեն Թումանյան, փաստաբան
Տիգրան Հայրապետյան, փաստաբան



Մրցույթի հրավեր «Հանրային քաղաքականության կրթաթոշակներ 2017» նախաձեռնություն

December 23, 2016

ԲՀՀ-Հայաստանը հայտարարում է «Հանրային քաղաքականության կրթաթոշակներ» նախաձեռնության մեկնարկի մասին, ուղղված աջակցելու հետազոտողներին, ովքեր պատրաստակամ են իրականացնել ուսումնասիրություններ հանրային քաղաքականության տարբեր բնագավառներում` բացահայտելու բաց հասարակության առջև ծառացած առավել վճռորոշ մարտահրավերները և մշակելու դրանց կիրառական լուծումներ:
Թեմաները ներառում են, բայց չեն սահմափակվում հետևյալ ոլորտներով. ժողովրդավարական կառավարում, կոռուպցիայի դեմ պայքար, հավասարություն և հակախտրականություն, մարդու իրավունքների պաշտպանության մեխանիզմներ, ինտեգրացիա և ժողովրդավարական բարեփոխումներ, սոցիալական, տնտեսական և հարկաբյուջետային քաղաքականություն:
Ծրագիրը բաց է քաղաքացիական հասարակության ներկայացուցիչների, համալսարանների դասախոսական կազմի, հանրային քաղաքականության ոլորտի հետազոտողների և վերլուծաբաններ համար:
Մրցույթն անցկացվելու է երկու փուլով: Մրցույթի վերաբերյալ լրացուցիչ ինֆորմացիա կարելի է ստանալ հետյալ հղմամբ կամ դիմելով Մարիամ Մաթևոսյանին էլ. փոստ` mmariam@osi.am; հեռ.`53-67-58; 53-38-62:
Հետաքրքրված անձիք պետք է ներկայացնեն լրացված հետաքրքրության նամակ հետևյալ էլ. հասցեին register@osi.am մինչև 2017 թվականի հունվարի 25-ը, ժամը 17.00. Մրցույթի հետ կապված հարցերի պարզաբանմանը նվիրված հանդիպումը տեղի կունենա սույն թվականի հունվարի 16–ին, Գոլդեն Թուլիփ հյուրանոցի Վիվալդի սրահում, ժամը 17.00-ին:



Կուսակցությունների մասին օրենքը

December 8, 2016

Հ Ա Յ Տ Ա Ր Ա Ր ՈՒ Թ Յ ՈՒ Ն
Հայաստանի Հանրապետության Ազգային ժողովում չորսօրյա նիստերի օրակարգ է ընդգրկվել է «Կուսակցությունների մասին» ՀՀ օրենքի նախագիծը, որի մի շարք կարգավորումներ խնդրահարույց են կուսակցությունների ներսում ժողովրդավարական սկզբունքների ապահովման և կուսակցությունների միջև հավասար մրցակցության խթանման տեսանկյունից:
Հաշվի առնելով, որ Սահմանադրության փոփոխությունների արդյունքում պետական կառավարման համակարգը ձևավորվելու է համապետական խորհրդարանական ընտրությունների միջոցով, կուսակցությունների դերը պետության քաղաքական մշակույթի ձևավորման հարցում դառնում է առանցքային: Կառավարության կողմից ներկայացված օրենքի նախագիծը, սակայն, պատշաճ կերպով չի ապահովում կուսակցությունների ինստիտուցիոնալ կայացման համար անհրաժեշտ երաշխիքներ, ինչպես նաև չի նպաստում կուսակցությունների ժողովրդավարացմանը և նրանց հաշվետվողականության ու թափանցիկության բարձրացմանը:
Հրավիրում ենք հանրության և Ազգային ժողովի պատգամավորների ուշադրությունը «Կուսակցությունների մասին» ՀՀ օրենքի նախագծի հետևյալ խնդիրներին և դրանցից բխող առաջարկներին.
• Օրենքով պետք է ամրագրվի այն գաղափարախոսությունների արգելքը, որոնք հակասում են ՀՀ Սահմանադրությանը և ժողովրդավարության ոգուն:
• Նախագծի մեջ անհրաժեշտ է վերականգնել գործող օրենքի այն դրույթը, համաձայն որի կուսակցություններին արգելվում է ՀՀ տարածքային ամբողջականության բռնի փոփոխության, զինված կազմավորումների ստեղծման, ազգային, ռասայական, կրոնական ատելության բորբոքման, բռնության և պատերազմի քարոզումը:
• Ընտրություններին կուսակցությունների կողմից թեկնածուների առաջադրումը պետք է կատարվի կուսակցության համագումարում ժողովրդավարական, թափանցիկ և մասնակցային գործընթացի միջոցով: Ընդ որում, կուսակցության յուրաքանչյուր անդամ պետք է հնարավորություն ունենա առաջադրվելու՝ որպես կուսակցության թեկնածու, և հնարավորություն ունենա ծանոթանալու և կարծիք հայտնելու թեկնածուների ներկայացված ցուցակի վերաբերյալ:
• Օրենքը պետք է ամբողջությամբ արգելի կանխիկ նվիրատվությունները, բոլոր նվիրատվությունները պետք է փոխանցվեն միայն այն բանկային հաշվին, որի մասին նախօրոք տեղեկացվել է կուսակցությունների նկատմամբ վերահսկողություն իրականացնող լիազոր մարմինը:
• Կուսակցությունները պետք է տարին երկու անգամ վերահսկողություն իրականացնող լիազոր մարմնին և հանրությանը ներկայացնեն հաշվետվություններ ստացված նվիրատվությունների վերաբերյալ: Կուսակցության ֆինանսական հաշվետվությունը պետք է պարունակի մանրամասն նկարագրություն կատարված ծախսերի ուղղությունների և նպատակների վերաբերյալ:
• Ներդնել պետական աջակցության տրամադրման նախընտրական համակարգ՝ խթանելու համար կուսակցությունների միջև հավասար մրցավազքը նախընտրական քարոզարշավի փուլից:
• Կուսակցություններին տրամադրվող պետական աջակցությունը պետք է հասանելի լինի որոշակի նախապայմաններին համապատասխանող կուսակցությունների համար, որոնք, մասնավորապես՝ ունեն ժողովրդավարական կառուցվածք, խթանում են կանանց մասնակցությունը կուսակցության գործունեության մեջ, ունեն թեկնածուների առաջադրման թափանցիկ ընթացակարգ:
• Անհրաժեշտ է ապահովել անկախ վերահսկողություն կուսակցությունների գործունեության նկատմամբ՝ համապատասխան պետական մարմնին փոխանցելով արդյունավետ վերահսկողություն իրականացնելու համար անհրաժեշտ գործիքներ ու լիազորություններ:
• Օրենքով պետք է ամրագրել կուսակցության համար կատարված աշխատանքների ու ծառայությունների կամ նվիրատվությունների (in-kind donations) վերաբերյալ կուսակցության կողմից առանձին հաշվետվություն ներկայացնելու պահանջ:
• Օրենքով պետք է սահմանվի կուսակցության կանոնադրությունում կուսակցության գաղափարախոսությունը նշելու վերաբերյալ պահանջ:
• Ընտրությունների համար կուսակցությունների կողմից առաջադրված թեկնածուները պետք է համապատասխանեն օրենքով նախատեսված որոշակի չափանիշների, որոնց կատարմանը պետք է հետևի կուսակցության ներքին վերահսկողություն իրականացնող մարմինը:
• Օրենքով պետք է նախատեսել կուսակցության որոշումների բողոքարկման ներկուսակցական մեխանիզմ, ինչպես նաև պատշաճ կարգավորել կուսակցության անդամների կողմից կուսակցության որոշումների դատական կարգով բողոքարկումը:
• Կուսակցության կառուցվածքային ստորաբաժանումներում ներդնել կանանց և ազգային փոքրամասնությունների ներկայացվածության քվոտաներ:
• Հստակ կարգավորել կուսակցության գործունեության արգելման կամ կասեցման հարցով ՀՀ Սահմանադրական դատարան դիմելու իրավունք ունեցող սուբյեկտների շրջանակը, օրինակ՝ Ազգային ժողովի պատգամավորների 1/3 կամ 3/5 և այլն:
Հայտարարությունը բաց է միանալու
Բաց հասարակության հիմնադրամներ-Հայաստան
Հելսինկյան քաղաքացիական ասամբլեայի Վանաձորի գրասենյակ
Հայաստանի հելսինկյան կոմիտե իրավապաշտպան ՀԿ
Ժուռնալիստների «Ասպարեզ» ակումբ
Համագործակցություն հանուն ժողովրդավարության կենտրոն
Գլոբալիզացիայի և տարածաշրջանային համագործակցության վերլուծական կենտրոն ՀԿ
Իրազեկ քաղաքացիների միավորում ՀԿ
Տարածքային զարգացման և հետազոտությունների կենտրոն ՀԿ
Ընդդեմ իրավական կամայականության ՀԿ
Հանրային տեղեկատություն և գիտելիքի կարիք ՀԿ
Թրանսփարենսի Ինթերնեշնլ հակակոռուպցիոն կենտրոն ՀԿ
Խոսքի ազատության պաշտպանության կոմիտե
Հանուն հավասար իրավունքների ՀԿ
Խորան Արդ ՀԿ



Պայքարե՛ք ընտրական կանոնները խախտողների, ոչ թե դրանց դեմ պայքարողների դեմ

October 20, 2016

Պայքարե՛ք ընտրական կանոնները խախտողների,
ոչ թե դրանց դեմ պայքարողների դեմ
ՀՀ Ազգային ժողովի աշնանային նստաշրջանում 2016 թվականի հոկտեմբերի 18-ին ՀՀ Կառավարության կողմից ներկայացված է 2016 թվականի մայիսի 25-ին ընդունված ընտրական օրենսգրքում հերթական փոփոխություններ և լրացումներ կատարելու մասին օրինագիծը:
Ընտրական օրենսգրքում փոփոխություններին զուգահեռ, առաջարկվում է փոփոխություններ կատարել նաև ՀՀ քրեական օրենսգրքով նախատեսված ընտրական խախտումների վերաբերյալ հոդվածներում:
Մասնավորապես, առաջարկվում է նոր 1548 հոդվածը, որով նախատեսվում է. «Այլ անձի փոխարեն քվեարկելու վերաբերյալ սուտ հայտարարություն տալը կամ կեղծ ստորագրությամբ հայտարարություն (ոչ հայտարարատուի կողմից կամ մտացածին անձի անունից ստորագրված հայտարարություն) դիմումին կից ներկայացնելը նախատեսում է քրեական պատասխանատվութուն:
Հայաստանի Հանրապետությունում ընտրությունների պրակտիկան ցույց է տվել, որ ընտրական խախտումների վերաբերյալ տարբեր ահազանգերի, դրանց վերաբերյալ հրապարակումների ուղղությամբ իրավապահ մարմինները, որպես կանոն, գործուն և արդյունավետ միջոցներ չեն ձեռնարկվում դրանք կանխելու, խախտումներ կատարած անձանց բացահայտելու և պատասխանատվության ենթարկելու ուղղությամբ:
Ավելին, ընտրական գործընթացի խախտումների վերաբերյալ ահազանգերին իրավապահ մարմինները անդրադառնում և զբաղվում են միայն քվեարկության ավարտից հետո, երբ այդ խախտումներն ավարտված են լինում:
Հետընտրական ժամանակահատվածում ընտրական խախտումների վերաբերյալ հաղորդումների ուղղությամբ կատարված քննությամբ, որպես կանոն, կայացվում է խախտման վերաբերյալ նախապատրաստված նյութերը անհետևանք թողնելու կամ քրեական գործի հարուցումը մերժելու մասին որոշում՝ հաղորդում տված անձանց նկատմամբ տարբեր ճնշումների, բողոքից հրաժարվելուն դրդելու տարբեր միջոցներով:
Նման գործելաոճի պայմաններում, ՀՀ կառավարության հավանությունը ստացած և ՀՀ ԱԺ-ում քննարկող հիշյալ հոդվածն ակնհայտորեն ուղղված է ընտրական խախտումների վերաբերյալ ահազանգերի դեմ, այլև քրեական հետապնդման սպառնալիք է հանդիսանում խախտման վերաբերյալ ահազանգած անձանց նկատմամբ:
Ընտրախախտումների դեմ պայքարն ու կանխարգելումը և այս բնագավառում իրավապահ մարմինների գործունեության արդյունավետության բարձրացումը մտահոգության խնդիր դարձնելու փոխարեն նշված օրենսդրական նախաձեռնությամբ ընտրական խախտումների բացահայտման ողջ պարտականությունը դրվում է դիտորդների, լրագրողների և վստահված անձանց վրա: Միաժամանակ, նշված հոդվածի ընդունմամբ կսահմանվի ընտրությունների վերաբերյալ քննադատական կարծիքների արտահայտման դեմ քրեական հետապնդման օրենսդրական հնարավորություն, որը կհանդիսանա նաև ժողովրդավարական պետությունում տեղեկություններ ստանալու, տարածելու և կարծիքի ազատ արտահայտման ակնհայտ ոչ իրավաչափ սահմանափակում:
Այս օրենսդրական նախաձեռնությունը դիտորդների ինստիտուտի վերացման, ինչպես նաև ընտրական գործընթացների թափանցիկության ու դրանում լրատվամիջացների դերի խիստ սահմանափակման իրական վտանգներ է պարունակում:
Մենք բազմիցս արձանագրել ենք, որ ընտրական օրենսգրքի նոր նախագիծը նահանջ է նախկինում եղած օրենսդրական կարգավորման համեմատ, իսկ վերջին փոփոխությունների ընդունումը Հայաստանի ընտրական համակարգը մոտեցնելու է ամենահետադիմական ռեժիմներին:
1548 հոդվածը կհանգեցնի ընտրախախտումների ամբողջ զինանոցի անպատիժ և լայնածավալ կիրառմանը և ընտրական ինստիտուտի ոչնչացմանը:
Սույն հայտարարությամբ պահանջում ենք անհապաղ շրջանառությունից հանել ՀՀ քրեական օրենսգրքում որպես լրացում ներկայացված 1548 հոդվածը ամբողջությամբ:

Հելսինկյան քաղաքացիական ասամբլեայի Վանաձորի գրասենյակ
Բաց հասարակության հիմնադրամներ-Հայաստան
Հայաստանի հելսինկյան կոմիտե իրավապաշտպան ՀԿ
Գործընկերություն և ուսուցում ՀԿ
Իրավունքների պաշտպանություն առանց սահմանների ՀԿ
Համագործակցություն հանուն ժողովրդավարության կենտրոն
Հանուն հավասար իրավունքների ՀԿ
Իրավունքների տեղեկատվական կենտրոն ՀԿ
Երևանի մամուլի ակումբ
Կանանց աջակցման կենտրոն ՀԿ
Մարտունու կանանց համայնքային խորհուրդ ՀԿ
Արմավիրի քաղաքացիական երիտասարդական կենտրոն
Լոգոս իրավապաշտպան ՀԿ
Խաղաղության երկխոսություն ՀԿ
Գլոբալիզացիայի և տարածաշրջանային համագործակցության վերլուծական կենտրոն ՀԿ
Իրազեկ քաղաքացիների միավորում ՀԿ
Տարածքային զարացման և հետազոտությունների կենտրոն ՀԿ
Ընդդեմ իրավական կամայականության ՀԿ
Կանանց իրավունքների կենտրոն ՀԿ
50/50 քաղաքացիական նախաձեռնություն
Մարդու իրավունքների պաշտպանության Երևանյան կենտրոն ՀԿ
Բամբիռ մշակութային կենտրոն
Նոր սերունդ մարդասիրական ՀԿ
Կանանց ռեսուրսային կենտրոն ՀԿ
Հանրային քաղաքականության ինսստիտուտ ՀԿ
Բիոսոֆիա ՀԿ
Խոսքի ազատության պաշտպանության կոմիտե ՀԿ
Արևամանուկ հիմնադրամ
Տեղեկատվական համակարգերի զարգացման և վերապատրաստման կենտրոն ՀԿ
Իրական աշխարհ, իրական մարդիկ ՀԿ
Մեղրու կանանց ռեսուրս կենտրոն ՀԿ
Արմավիրի զարգացման կենտրոն ՀԿ
Գյումրու քաղաքացիական երիտասարդական կենտրոն
Իջևանի քաղաքացիական երիտասարդական կենտրոն
Վանաձորի քաղաքացիական երիտասարդական կենտրոն
Մեդիա նախաձեռնությունների կենտրոն
Կարեն Թումանյան, փաստաբան



Program coordinator for the areas of Civil Society and Human Rights

October 19, 2016

Ներեցեք, այս գրառումը մատչելի է միայն անգլերեն:


« Page 1, 2, 3 ... 6, »