ՆՈՐՈԻԹՅՈՒՆՆԵՐ


Համակարգային անպատժելիությունը՝ որպես մարտահրավեր քրեական արդարադատությանը

July 15, 2017

Հարգելի Գործընկերներ,

«Գործընկերություն հանուն բաց հասարակության» նախաձեռնությունը (ԳՀԲՀ), որը ներկայացնում է քաղաքացիական հասարակության 60-ից ավել կազմակերպություն, հրավիրում է Ձեզ ներկա գտնվելու «Համակարգային անպատժելիությունը՝ որպես մարտահրավեր քրեական արդարադատությանը» խորագրով հանրային քննարկմանը:

Միջոցառումը տեղի կունենա ս.թ. հուլիսի 18-ին, ժամը` 09:45-ին, Կոնգրես հյուրանոցի «Պիկասո» սրահում (ք.Երևան, Իտալիայի փ. 1):

Քաղաքացիական հասարակության ներկայացուցիչները իրենց գնահատականները կտան Հայաստանում քրեական արդարադատություն իրականացման, իրավունքի սահմանափակման, ամբաստանյալների նկատմամբ բռնությունների, փաստաբանների գործունեությանը խոչընդոտելու, դատարանների և դատավորների անկախության վերաբերյալ:

ՀՀ Արդարադատության նախարարության, Ազգային Ժողովի, Հատուկ քննչական ծառայության, Քննչական կոմիտեի, Ոստիկանության, Դատախազության, Դատական դեպարտամենտի, Դատարանների, ԱՆ Քրեակատարողական վարչության, Ազգային անվտանգության ծառայության ներկայացուցիչները և Մարդու իրավունքների պաշտպանը հրավիրված են ներկա գտնվելու միջոցառմանը և ազատ են հանդես գալու ելույթով:

Միջոցառմանը հրավիրված են նաև պետական այլ կառույցների և գերատեսչությունների, ՀՀ-ում հավատարմագրված դեսպանությունների, միջազգային կազմակերպությունների, քաղաքական կուսակցությունների, քաղաքացիական հասարակության և լրատվամիջոցների ներկայացուցիչներ:

Կից ներկայացնում ենք քննարկման նախնական օրակարգը: Անգլերեն-հայերեն և հայերեն-անգլերեն համաժամանակյա թարգմանությունն ապահովվում է:

Խնդրում ենք տեղեկացնել Ձեր մասնակցության հնարավորության մասին մինչև ս.թ. հուլիսի 17-ը, ժամը 12:00-ը՝ զանգահարելով ԲՀՀ-Հայաստան գրասենյակ Կարինե Ղազարյանին՝ 010 533862 հեռախոսահամարով, կամ գրելով՝ karine@osi.am էլ. փոստի հասցեին:

Ակնկալում ենք Ձեր ներկայությունը և ակտիվ մասնակցությունը:

Հարգանքով`

Լարիսա Մինասյան
«Գործընկերություն հանուն բաց հասարակության» նախաձեռնության անդամ
Բաց հասարակության հիմնադրամներ- Հայաստան, գործադիր տնօրեն

Կից ներկայացնում ենք քննարկման օրակարգը:



Ներառական կրթության թեմայով ամառային դպրոցի մասնակցության մրցույթ

May 4, 2017

Մրցույթի հայտարարություն

Ներառական կրթության թեմայով ամառային դպրոցի մասնակցության

Բիշկեկ, Ղրղզստան
Հուլիսի 3-7, 2017թ.

Բաց հասարակության հիմնադրամներ – Հայաստան կազմակերպությունը, Բաց հասարակության հիմնադրամների Կրթության օժանդակության և Եվրասիա ծրագրերի գրասենյակների օժանդակությամբ, հայտարարում է ներառական կրթության թեմայով ամառային դպրոցի մասնակցության մրցույթ:
Ամառային դպրոցի նպատակն է զարգացնել և կատարելագործել մասնակիցների մասնագիտական հմտությունները` ներառական կրթության իրականացման և կրթության առանձնահատուկ պայմանների կարիքի գնահատման ոլորտներում:
Տարբեր երկրներում կրթության առանձնահատուկ պայմանների կարիքի գնահատումն իրականացվում է տարբեր մեթոդների կիրառմամբ: Որպես խորհրդային ժառանգություն, տարածաշրջանի տարբեր երկրներում կարող է հանդիպել տարբերակ, հիմնված հաշմանդամության բժշկական մոդելի և դեֆեկտոլոգիայի սկզբունքների վրա, և շատ դեպքերում դեռևս իրականացվում է ժամանակավրեպ և անարդյունավետ կառույցների կողմից: Մյուս երկրներում, որոնք կրթության ոլորտի բարեփոխումների ճանապարհին որդեգրել են հաշմանդամության սոցիալական մոդելը, գնահատման կենտրոնները աշխատում են, մեծապես, միայն հաշմանդամություն ունեցող երեխաների հետ` բաց թողնելով տարբեր այլ կարիքներ ունեցող և որակյալ կրթության մեջ ներառման տեսակետից խոցելի մյուս երեխաներին:
Այս ամառային դպրոցը նպատակ ունի հարստացնել և հզորացնել ներառական կրթության ոլորտի դերակատարների կարողությունները և խթանել արդյունավետ երկխոսություն թե տարածաշրջանային, և թե տեղական մակարդակում` քաղաքականության այլընտրանքային լուծումներ գտնելու նպատակով: Ծրագրի շրջանակում մասնակիցները կզարգացնեն իրենց կարողությունները ներառական կրթության և կրթության առանձնահատուկ պայմանների կարիքի գնահատման շուրջ, կտեղեկանան տարբեր երկրներում առկա ու միջազգային փորձի վերաբերյալ, ինչպես նաև հնարավորություն կունենան կիսվել մյուս մասնակիցների հետ ներառական կրթության ոլորտի իրենց փորձով:

Ամառային դպրոցի մասնակցության պայմաններն ու դիմումների ներկայացման ընթացակարգը

Ամառային դպրոցն անց է կացվելու հուլիս 3-ից 7-ն ընկած ժամանակահատվածում Ղրղզստանի Բիշկեկ քաղաքում տեղակայված Կենտրոնական Ասիայի Ամերիկյան համալսարանում (այսուհետ՝ ԿԱԱՀ): Դասընթացները վարելու են ինչպես ԿԱԱՀ պրոֆեսորադասախոսական կազմի, այնպես էլ ԱՄՆ Պիտսբուրգի և Լիտվայի Վիլնյուսի համալսարանների դասախոսները:

Ամառային դպրոցի մասնակցության հետ կապված բոլոր ծախսերը կփոխհատուցվեն ԲՀՀ-ի կողմից, ներառյալ` ճանապարհածախս, գիշերակաց և օրապահիկ:

Ամառային դպրոցի աշխատանքային լեզուն ռուսերենն է: Ուստի ռուսերենի գերազանց իմացությունը պարտադիր է:

Մրցույթին կարող են մասնակցել ներառական կրթության ոլորտում գիտամանկավարժական և/կամ կիրառական գործունեությամբ զբաղվող անձիք, որոնք բավարարում են ստորև թվարկված պայմաններից որևէ մեկին.

  • ներառական կրթության թեմայով դասավանդող մասնագետ են, այդ թվում դասախոս, դասախոսի օգնական, ասպիրանտ կամ հայցորդ, կամ
  • ներառական կրթության թեմայով գիտական հետազոտություններ իրականացնող մասնագետ են, կամ
  • զբաղվում են ներառական կրթության ոլորտում կիրառական գործունեությամբ, այդ թվում հանդիսանում են հասարակական կազմակերպության, պետական կառավարման կամ տեղական ինքնակառավարման մարմնի, մասնագիտացված այլ կառույցի աշխատակից:

Մրցույթին մասնակցելու համար անհրաժեշտ է ներկայացնել`

    • Ինքնակենսագրություն (CV)` ռուսերեն լեզվով,
    • Ներառական կրթության թեմային առնչվող գիտական հոդվածների, մենագրությունների, կոնֆերանսների մասնակցության, զեկույցների ցանկը, եթե այդպիսիք կան, ինչպես նաև հնարավորության դեպքում տրամադրել հղումներ` թվարկված նյութերի առցանց աղբյուրներին,
    • հետաքրքրության նամակ` ռուսերեն լեզվով, առավելագույնը 1000 բառի սահմաններում, որում անհրաժեշտ է անդրադառնալ հետևյալ հարցերին՝

- Ո՞րն է ներառական կրթության իրականացման հայաստանյան մոդելի առանձնահատկությունը:
- Որո՞նք են Հայաստանում կրթության առանձնահատուկ պայմանների կարիքի գնահատման համակարգի առանձնահատկությունները և ինչպիսի բարեփոխման կարիք կա` տվյալ ոլորտի ներհայաստանյան պրակտիկայում:
- Ինչպե՞ս կարող է ներառական կրթությունը նպաստել յուրաքանչյուր երեխայի կրթության իրավունքի լիարժեք և որակյալ իրացմանը:
- Ինչպե՞ս եք նախատեսում գործնականում կիրառել և ամրապնդել ամառային դպրոցի ընթացքում ձեռքբերված գիտելիքներն ու հմտությունները, և ի՞նչ նախաձեռնություններ եք պատկերացնում իրականացնել` օգտագործելով ամառային դպրոցում ձեռքբերված գիտելիքը, տեղեկատվությունը, կապերը տեղական և տարածաշրջանային մասնագետների հետ:
- Ներառական կրթության ոլորտին առնչվող ո՞ր հարցերը կցանկանայիք դարձնել ամառային դպրոցի ընթացքում քննարկման առարկա:

Հայտերը պետք է ուղարկվեն էլեկտրոնային տարբերակով՝ register@osi.am էլեկտրոնային փոստի հասցեին: Հայտերի ընդունման վերջնաժամկետը սույն թվականի մայիսի 25-ն է, ժամը 16:00: Սահմանված ժամկետից ուշ ներկայացված հայտերը մրցույթի շրջանակում չեն դիտարկվի:

Հարցերի կամ պարզաբանումներ համար կարող եք դիմել ԲՀՀ – Հայաստանի գրասենյակ, Լիլիթ Նազարյանին կամ Աննա Հարությունյանին՝ 010 533862 հեռախոսահամարով, կամ գրելով nlilit@osi.am և annah@osi.am էլեկտրոնային փոստի հասցեներին:



ՆԱԽԸՆՏՐԱԿԱՆ ԳՈՐԾԸՆԹԱՑՆԵՐԻ ՎԵՐԱԲԵՐՅԱԼ ՀԱՅԱՍՏԱՆՅԱՆ ԵՎ ՄԻՋԱԶԳԱՅԻՆ ՔԱՂԱՔԱՑԻԱԿԱՆ ՀԱՍԱՐԱԿԱԿԱՆ ԵՎ ԴԻՏՈՐԴԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԳՆԱՀԱՏԱԿԱՆԸ

March 30, 2017

Ս.թ. մարտի 31-ին, ժամը 14:30-ին Կոնգրես հյուրանոցի «Բոլլ Րում» սրահում տեղի կունենա հանրային քննարկում «Նախընտրական գործընթացների վերաբերյալ հայաստանյան և միջազգային քաղաքացիական հասարակական և դիտորդական կազմակերպությունների գնահատականը» վերտառությամբ (ք.Երևան, Իտալիայի փ. 1):

Քննարկումներին հրավիրված են խորհրդարանական ընտրություններին մասնակից բոլոր կուսակցություններն ու դաշինքները, պետական պաշտոնյաներ, ՀՀ-ում հավատարմագրված դեսպաններ, միջազգային կազմակերպությունների, քաղաքացիական հասարակության և լրատվամիջոցների ներկայացուցիչներ:

Ստորև ներկայացված է միջոցառման նախնական օրակարգը: Անգլերեն-հայերեն և հայերեն-անգլերեն համաժամանակյա թարգմանությունն ապահովվում է:

Կից ներկայացնում ենք քննարկման օրակարգը:



ՀԱՐՑԵՐ ՔԱՂԱՔԱԿԱՆ ՈՒԺԵՐԻՆ 2017Թ. ԽՈՐՀՐԴԱՐԱՆԱԿԱՆ ԸՆՏՐՈՒԹՅՈՒՆՆԵՐԻՆ ԸՆԴԱՌԱՋ

February 23, 2017

Հարգելի գործընկերներ,

«Գործընկերություն հանուն բաց հասարակության» նախաձեռնությունը (ԳՀԲՀ), որը ներկայացնում է քաղաքացիական հասարակության 60-ից ավել կազմակերպություն, հրավիրում է Ձեզ մասնակցելու «ՀԱՐՑԵՐ ՔԱՂԱՔԱԿԱՆ ՈՒԺԵՐԻՆ 2017Թ. ԽՈՐՀՐԴԱՐԱՆԱԿԱՆ ԸՆՏՐՈՒԹՅՈՒՆՆԵՐԻՆ ԸՆԴԱՌԱՋ» խորագրով հանրային քննարկումներին Վանաձորում, Իջևանում, Երևանում, Գյումրիում, Հրազդանում, Արմավիրում, Մարտունիում, Արտաշատում, Կապանում, Եղեգնաձորում և Աշտարակում:

Ս.թ. ապրիլի 2-ին կայանալիք խորհրդարանական ընտրություններին ընդառաջ մի խումբ քաղաքացիական հասարակության կազմակերպություններ մշակել են հարցաշար, սոցիալ-տնտեսական, քաղաքական և իրավական արդիական հիմնախնդիրների վերաբերյալ, քաղաքական կուսակցությունների և դաշինքների դիրքորոշումը հանրությանը ներկայացնելու նպատակով: Հարցաշարը ներկայացվում է խորհրդարանական ընտրություններին մասնակից բոլոր կուսակցություններին և դաշինքներին, ինչպես նաև մամուլին և հանրության լայն շրջանակներին: Հարցերին տրված պատասխանները ընդունվելու են որպես քաղաքական կուսակցության/դաշինքի պաշտոնական դիրքորոշում եւ ներկայացվելու են հանրությանը:

Այս միջոցառումների շարքը նպատակ ունի քննարկում ծավալել քաղաքացիական հասարակության կառույցների և խորհրդարանական ընտրության գնացող կուսակցությունների/դաշինքների միջև՝ մարդու իրավունքների, կոռուպցիայի, արտաքին քաղաքականության, անվտանգության, տնտեսության, սոցիալական և այլ հիմնախնդիրների վերաբերյալ և հանրությանը ներկայացնել քաղաքական կուսակցությունների ու դաշինքների դիրքորոշումները վերոհիշյալ հարցերի շուրջ:

Սա հանդիպումների շարք է, երբ «Գործընկերություն հանուն բաց հասարակության» նախաձեռնության անդամ կազմակերպությունները հյուրընկալվում են իրենց մարզային անդամ գործընկերներ կազմակերպության կողմից, որպեսզի քննարկեն համապետական և տեղական նշանակություն ունեցող այս կարևորագույն հարցերը:

Վանաձորում միջոցառումը տեղի կունենա ս.թ. փետրվարի 23-ին, ժամը՝ 16:00-ին, Կիրովական հյուրանոցում (ք.Վանաձոր, Մաշտոցի փողոց):

Իջևանում միջոցառումը տեղի կունենա ս.թ. փետրվարի 24-ին, ժամը՝ 16:00-ին, Դոկ հյուրանոցում (ք. Իջևան, Անկախության փող. 40);

Երևանում միջոցառումները տեղի կունենան փետրվարի 28-ին և մարտի 16-ին, ժամը՝ 14:30-ին, Կոնգրես հյուրանոցի «Բոլլ Րում» սրահում (ք.Երևան, Իտալիայի փ. 1):

Գյումրիում միջոցառումը տեղի կունենա ս.թ. մարտի 3-ին, ժամը՝ 14:00-ին, Արաքս հյուրանոցում (ք. Գյումրի, Գորկու փող., 25 շենք):

Հրազդանում միջոցառումը տեղի կունենա ս.թ. մարտի 9-ին, 14:00-ին, Հրազդանի Քաղացիական երիտասարդական կենտրոնում (ք. Հրազդան, Կենտրոն թաղ., Oգոստոսի 23 փող., Յունիբանկի շենք):

Արմավիրում միջոցառումը տեղի կունենա ս.թ. մարտի 10-ին, 14:00-ին, Ծովակ սրճարանում (ք. Արմավիր, Հանրապետության 6):

Մարտունիում միջոցառումը տեղի կունենա ս.թ. մարտի 14-ին, 14:00-ին, Ադանա համալիրում (ք. Մարտունի, Վարդան Մամիկոնյան 53 փ.):

Արտաշատում միջոցառումը տեղի կունենա ս.թ. մարտի 17-ին, 14:00-ին (ք. Արտաշատ, Օգոստոսի 23, 109/1; Վիվասելի 2-րդ հարկ):

Կապանում միջոցառումը տեղի կունենա ս.թ. մարտի 23-ին, 16:00-ին Գոլդեն Կապան Հյուրանոցում (ք. Կապան, Թումանյան փող., 13 շենք):

Եղեգնաձորում միջոցառումը տեղի կունենա ս.թ. մարտի 24-ին, 14:00-ին, Եղեգնաձորի Քաղացիական երիտասարդական կենտրոնում (ք. Եղեգնաձոր, Նարեկացու փ., 18ա, Օրանժի գրասենյակի շենքի երկրորդ հարկ):

Աշտարակում միջոցառումը տեղի կունենա ս.թ. մարտի 28-ին, Ներսես Աշտարակեցու անվան միջնակարգ դպրոցի գրադարանում (ք. Աշտարակ, Պռոշյան 14):

Քննարկումներին հրավիրված են խորհրդարանական ընտրություններին մասնակից բոլոր կուսակցություններն ու դաշինքները, պետական պաշտոնյաներ, ՀՀ-ում հավատարմագրված դեսպաններ, տեղական ինքնակառավարման մարմինների, միջազգային կազմակերպությունների, քաղաքացիական հասարակության և լրատվամիջոցների ներկայացուցիչներ:

Կից ներկայացնում ենք յուրաքանչյուր քննարկման նախնական օրակարգը:

Խնդրում ենք տեղեկացնել վերոհիշյալ տեղի ունենալիք միջոցառումներին Ձեր մասնակցության հնարավորության մասին՝ զանգահարելով ԲՀՀ-Հայաստան գրասենյակ Կարինե Ղազարյանին՝ 010 533862 հեռախոսահամարով, կամ գրելով՝ karine@partnership.am էլ. փոստի հասցեին:

Ակնկալում ենք Ձեր ներկայությունը և ակտիվ մասնակցությունը:

Հարգանքով`

Դավիթ Ամիրյան
«Գործընկերություն հանուն բաց հասարակության» նախաձեռնության
Միջոցառումների համակարգող

Կից ներկայացնում ենք քննարկումների օրակարգերը` Վանաձոր, Իջևան, Երևան 28.02.2017, Գյումրի, Հրազդան, Արմավիր, Մարտունի, Երևան 16.03.2017, Արտաշատ, Կապան, Եղեգնաձոր, Աշտարակ:



Հաղորդագրություն՝ Հայաստանի Հանրապետության նոր հաստատված ռազմավարությունը կօգնի այն մարդկանց, որոնք տառապում են ցավից

February 17, 2017

Ներեցեք, այս գրառումը մատչելի է միայն անգլերեն:


« Page 1, 2, 3 ... 13, »